ஆசாரிபள்ளம் அரசு ஆஸ்பத்திரிக்கு ரூ 16 கோடி செலவில் புற்றுநோய் சிகிச்சை கருவிகள் : அமைச்சர் மா.சுப்பிரமணியன் பேட்டி

0


கன்னியாகுமரி அரசு ஆஸ்பத்திரியை அமைச்சர் மா. சுப்பிரமணியன் இன்று நேரில் சென்று பார்வை யிட்டு ஆய்வு செய்தார். இதை தொடர்ந்து அவர் நிருபர்களுக்கு பேட்டியளித்த போது கூறியதாவது:- 

கன்னியாகுமரி மருத்துவமனை என்பது மிகப்பெரிய அளவில் அவசியத் தேவைகளில் ஒன்றாகும். வெளி மாநிலங்கள்  மற்றும் வெளிநாடுகளில் இருந்தும் கன்னியாகுமரிக்கு சுற்றுலாவுக்காக ஏராளமானோர் வருகிறார்கள்.

இந்த ஆஸ்பத்திரியை தரம் உயர்த்த வேண்டும் என்பது அவசியமான ஒன்றாகும். தினமும் 300, 350 பேர் புற நோயாளிகளாக வந்து சிகிச்சை பெறுகிறார்கள். மாதம் ஒன்றுக்கு 15 முதல் 20 பிரசவங்களும் நடக்கிறது. 

இந்த மருத்துவமனையில் பிரேத பரிசோதனை கூடம் வேண்டும் என்று கோரிக்கை வைத்துள்ளனர். இங்குள்ள பிரேத பரிசோதனை கூடத்தை விரைவில் பயன்பாட்டிற்கு கொண்டு வர நடவடிக்கை எடுக்க ப்படும்.108 ஆம்புலன்ஸ் சேவை வேண்டும் என்று கேட்டனர். இது தொடர்பாக உடனடி நடவடிக்கை எடுக்கப்பட்டு நாளை முதல் நிரந்தர 108 ஆம்புலன்ஸ் சேவை செயல்படுத்தப்படும்.
 
இந்த மருத்துவமனைக்கு பொதுமக்கள் வரும் போது போதிய இருக்கை வசதி ஏற்படுத்த நடவடிக்கை எடுக்கப்படும்.  முதலமைச்சர் மு.க. ஸ்டாலின் மருத்துவத்துறையை  மேம்படுத்த பல்வேறு கட்டமைப்புகளுக்கு உத்தரவிட்டுள்ளார்.

கன்னியாகுமரியை பொறுத்தவரை நெய்யூர் பேரூராட்சி மேக்கோடு கிராமத்தில் ரூ.20 லட்சம் செலவில் கட்டப்பட்ட துணை சுகாதார நிலையம் ஒன்று மிக விரைவில் முதல்-அமைச்சரால் திறக்கப்படும். 

இதேபோல் விளவங்கோடு ஊராட்சிக்குட்பட்ட ஈத்தவிளை கிராமத்தில், ரூ. 20 லட்சம் மதிப்பீட்டில் துைண சுகாதார நிலையம் கட்டப்பட்டுள்ளது.அதுவும் விரைவில் முதல்-அமைச்சரால் காணொளி காட்சி மூலம் திறந்து வைக்கப்பட உள்ளது.

கடந்த நிதிநிலை அறிக்கையின் போது  குமரி மாவட்டத்திற்கு மக்கள் பிரதிநிதிகள் வைத்த கோரிக்கையை ஏற்று பல்வேறு அறிவிப்புகள் வெளியிடப் பட்டது. குமரி மாவட்டத்தில் ஏற்படுகின்ற விபத்து மற்றும் சிகிச்சை மையங்களில் விபத்து பதிவு தொடர்பான விவரங்களை பதிவு செய்ய புதிய சாப்ட்வேர் ரூ. 5 லட்சத்து 26 ஆயிரம் மதிப்பில் கட்டப்பட உள்ளது.

குமரி மாவட்டத்திலுள்ள குருந்தன்கோடு, இடைக்கோடு,   சி.ஆர்.புதூர், அகஸ்தீஸ்வரம் கோதனல்லூர் ஆகிய வட்டார அளவிலான பொது சுகாதார நிலைய ங்களில் புதிய கட்டடங்கள் ரூ 40 கோடியே 4 லட்சம் மதிப்பில் கட்டப்பட உள்ளது. 

ஊரக பகுதிகளில் வாடகைக் கட்டடத்தில் செயல்பட்டு வரும் 8  துணை  சுகாதார நிலையங்களுக்கு பதிலாக அரசு சார்பில் புதிய சுகாதார நிலையங்கள்  கட்டுவதற்கு ரூ. 2 கோடியே 59 லட்சம் மதிப்பீட்டில் திட்ட மதிப்பீடு தயாரிக்கப்பட்டு அறிவிக்கப்பட்டுள்ளது. 

குமரி மாவட்டத்தில் ஆறு தேசம், கணபதிபுரம், மற்றும் பளுகல் ஊரக பகுதிகளில் ஆரம்ப சுகாதார நிலைய கட்டிடங்களை மாற்றி புதிய கட்டடங்கள் கட்ட ரூ. 2 கோடியே 48 லட்சம் மதிப்பீட்டில்  கட்ட திட்ட மதிப்பீடு தயாரிக்கப்பட்டு உள்ளது. 

இங்கு உள்ள மருத்துவ காலிப்பணியிடங்கள் விரைவில் நிரப்பப்படும். வடிவீஸ்வரம் நகர்ப்புற ஆரம்ப சுகாதார நிலை யத்திற்கு  புதிய கட்டி டங்கள் கட்ட ரூ.1 கோடியே 50 லட்சம் மதிப்பில் திட்ட மதிப்பு தயாரிக்கப்பட்டு உள்ளது. 
நாகர்கோவில் மாநகராட்சியில் தமிழ்நாடு நகர்ப்புற சுகாதார திட்டத்தின் கீழ் நவீன உபகரணங்கள் கூடிய சுகாதார ஆய்வக கட்டடங்கள் ரூ. 49 லட்சத்து 76 ஆயிரம் செலவில் கட்டப்பட உள்ளது. 

ஆசாரிபள்ளம் அரசு ஆஸ்பத்திரியில் புற்றுநோய் சிகிச்சை மையத்தில் கருவிகள் வாங்க ரூ.14 கோடி நிதி ஒதுக்கப்பட்டுள்ளது. இவ்வாறு அவர் கூறினார். 

நிகழ்ச்சியில் அமைச்சர் மனோதங்கராஜ், மேயர் மகேஷ், முனனாள் எம்.எல்.ஏ. ஆஸ்டின், தாமரை பாரதி, குமரி ஸ்டீபன் உள்பட பலர் கலந்து கொண்டனர்.


 

Post a Comment

0Comments
Post a Comment (0)